İnteraktiv Lövhə Hikvision DS-D5C75RB/B 75-inch 4K

Hikvision DS-D5C75RB/B 75 düymlük interaktiv paneldir və əsasən iclas otaqları və tədris mühitləri üçün nəzərdə tutulub. Modelin əsas üstünlüyü odur ki, yalnız ekran funksiyası ilə kifayətlənmir eyni zamanda daxilli kamera, mikrofon və səs sistemi ilə birlikdə tam konfrans həlli kimi işləyə bilir.

Ekran 4K UHD (3840×2160) təsvir ölçüsünə malikdir. Mətnlər, cədvəllər və təqdimatlar aydın görünür, xüsusilə geniş otaqlarda istifadə zamanı bu özünü daha çox göstərir. Anti-glare örtük işıq əksini azaldır, "zero bonding" texnologiyası isə həm görüntünü, həm də toxunma hissiyatını daha təmiz edir. Toxunma infraqırmızı (IR) texnologiyası üzərində qurulub. Panel eyni anda bir neçə istifadəçinin işləməsini dəstəkləyir və yazı zamanı gecikmə hiss olunmur. Təqdimat üzərində qeyd aparmaq və ya izah etmək praktik baxımdan rahatdır.

Cihaz RK3588 prosessor, 8 GB RAM və 128 GB yaddaş ilə təchiz olunub. Android əsaslı sistem gündəlik işlər, təqdimat, brauzer, fayl açmaq və video konfrans üçün kifayət edir. Əlavə kompüter qoşmadan işləmək mümkündür. Bu modelin fərqləndirici tərəfi daxili konfrans imkanlarıdır. Üzərində yerləşən kamera və mikrofon sistemi sayəsində ayrıca avadanlıq qoşmadan onlayn görüş keçirmək olur. Bu xüsusiyyət xüsusilə ofislərdə əlavə xərc və qurulum ehtiyacını azaldır.

Bağlantdı baxımından standart ehtiyaclar nəzərə alınıb: HDMI, USB, Type-C, LAN, həmçinin simsiz qoşulma (Wi-Fi və Bluetooth). Noutbuk və mobil cihazlarla işləmək rahatdır.

DS-D5C75RB/B daha çox aşağıdakı ssenarilərdə istifadə olunur:

• iclas otaqları və ofislər
• onlayn konfrans və təqdimatlar
• təlim və tədris mühitləri

Ümumilikdə, bu model sadəcə interaktiv ekran yox, iş prosesini sadələşdirən və konfransları bir cihaz üzərindən idarə etməyə imkan verən həll kimi çıxış edir.